চতিয়াত তৎপৰ আৰক্ষী-আবকাৰী ৷ হাজাৰ হাজাৰ লিটাৰ চুলাই মদ ধ্বংস ৷ ~ সংবাদ প্ৰভাত

Monday, July 12, 2021

চতিয়াত তৎপৰ আৰক্ষী-আবকাৰী ৷ হাজাৰ হাজাৰ লিটাৰ চুলাই মদ ধ্বংস ৷


   প্ৰতিবেদক:    সুৰঞ্জন গগৈ, চতিয়া

চতিয়াত তৎপৰ আৰক্ষী-আবকাৰী হাজাৰ হাজাৰ লিটাৰ চুলাই মদ ধ্বংস ৷


ক’ৰোনাৰ সংক্ৰমণ ৰোধ কৰিবলৈ ৰাজ্যৰ মূখ্যমন্ত্ৰী  হিমন্ত বিশ্ব শৰ্মাই প্ৰশাসনক চুলাই মদৰ ঘাটি উচ্ছেদৰ বাবে তৎপৰ হ’বলৈ দিয়া নিৰ্দেশৰ পিছতে আজি অধিক তৎপৰ হৈ পৰা পৰিলক্ষিত হ’ল বিশ্বনাথৰ আবকাৰী আৰু চতিয়া আৰক্ষী৷ দেওবাৰে নিশা চতিয়া আৰক্ষী, আবকাৰী আৰু অৰ্ধসামৰিক বাহিনীৰ এটা বৃহৎ দলে চতিয়াৰ হাবিদলনী গাঁৱত এফালৰ পৰা ঘৰে-ঘৰে প্ৰবেশ কৰি ধ্বংস কৰিলে চুলাই মদৰ ঘাটি আৰু মজুত কৰি ৰখা বৃহৎ পৰিমাণৰ চুলাই মদ৷ আৰক্ষীৰ মতে গাওঁখনত ধ্বংস কৰা মদৰ পৰিমাণ সাত হাজাৰ লিটাৰৰো অধিক৷ বিশ্বনাথ আবকাৰী আৰু চতিয়া আৰক্ষীৰ এই যুটীয়া অভিযানৰ ফলত বৃহৎ সংখ্যক দেশীয় সুৰা ধ্বংস কৰা কাৰ্যক সচেতন মহলে শলাগ লৈছে যদিও একাংশই কিন্তু প্ৰশ্ন কৰিছে, সাধাৰণ চুলাই মদৰ ঘাটি উচ্ছেদ কৰিবলৈ বিশ্বনাথ আবকাৰী নাইবা চতিয়া আৰক্ষীয়ে মূখ্যমন্ত্ৰীৰ নিৰ্দেশৰ বাবে অপেক্ষা কৰিবলগীয়া হ'ল কিয়? আৰু দিনৰ ভাগত মূখ্যমন্ত্ৰীৰ নিৰ্দেশ পোৱাৰ লগে লগে কিদৰে তৎক্ষণাত ইমান বৃহৎ সংখ্যক দেশীয় সুৰা মজুত ৰখাৰ সম্ভেদ লাভ কৰিলে চতিয়া আৰক্ষী নাইবা বিশ্বনাথ আবকাৰীৰ দলে? নে গোপন বুজাবুজিৰ বিনিময়ত সংগোপনে ব্যৱসায় কৰিবলৈ অনুমতি দিছিল এই সকল লোকক? অৱশ্যে চতিয়া আৰক্ষীয়ে জানিবলৈ দিয়া মতে এনে ধৰণৰ চুলাই বিৰোধী অভিযান এতিয়াৰে পৰা তড়িৎ গতিত চলি থাকিব৷

 

অসমৰ শিৱা ৰাণী কলিতাৰ কানাডাত অনুষ্ঠিত অটাৱা চলচ্চিত্ৰ মহোৎসৱত……

ছাঁতে শুকুৱা মুঠিতে লুকুৱা কাপোৰ সাজ অসমৰ গৌৰৱ বিশ্বৰ বজাৰত ……..

ভিটামিন বি কমপ্লেক্সৰ বিষয়ে জানিবলগীয়া প্ৰয়োজনীয় .....................

ভিটামিন কেপচুলৰ দ্বাৰা ছাল আৰু ছুলিৰ সৌন্দর্য বৃদ্ধি কৰিবলৈ ..............

0 Comments:

Post a Comment