যোৰহাট জিলাত ক'ভিড আক্ৰান্তৰ সংখ্যা বৃদ্ধি৷ জিলা প্ৰশাসন,আৰক্ষী প্ৰশাসন আৰু অৰ্দ্ধ সামৰিক বাহিনীৰ ৰোড মাৰ্চ ~ সংবাদ প্ৰভাত

Monday, July 12, 2021

যোৰহাট জিলাত ক'ভিড আক্ৰান্তৰ সংখ্যা বৃদ্ধি৷ জিলা প্ৰশাসন,আৰক্ষী প্ৰশাসন আৰু অৰ্দ্ধ সামৰিক বাহিনীৰ ৰোড মাৰ্চ


  প্ৰতিবেদক:  সংগীতা বৰা, যোৰহাট 


১২ আৰু ১৩ জুলাইত যোৰহাট জিলা প্ৰশাসন,আৰক্ষী প্ৰশাসন আৰু অৰ্দ্ধ সামৰিক বাহিনীৰ ৰোড মাৰ্চ

 

যোৰহাট জিলাত ঘোষণা কৰা হৈছিল কন্টেইনমেন জ'ন। কিন্তু যোৰহাটত ক'ভিড আক্ৰান্তৰ সংখ্যা দিনক দিনে ভয়াবহভাৱে  বৃদ্ধি পাই আহিছে। সেইহেতু  পৰিস্থিতি নিয়ন্ত্ৰণলৈ আনিবলৈ ১২ জুলাই  আৰু ১৩ জুলাই তাৰিখ দুদিন সম্পূৰ্ণ ৰূপে লকডাউন  দিছে যোৰহাট জিলাত। যিহেতু যোৰহাট জিলাখন ৰেড জ'নলৈ পৰিণত হৈছে। এইকইদিন দেখিবলৈ পোৱা গৈছে ব্যৱসায় প্ৰতিষ্ঠানসমূহত  এটা মেলা সদৃশ পৰিৱেশ। ক'ভিড নিয়ম উলংঘা কৰি এচাম মানুহে কভিড বিয়পাইছে। যাৰ বাবে ক'ভিডত আক্ৰান্তৰ হাৰ দিনক দিনে অধিক বৃদ্ধি পাই গৈ আছে। সেইয়ে যোৰহাট  জিলা প্ৰশাসন আৰু আৰক্ষী প্ৰশাসন অধিক কটকটীয়া হৈ পৰিছে । সোমবাৰে যোৰহাট জিলা প্ৰশাসন আৰু  আৰক্ষী প্ৰশাসন আৰু অৰ্দ্ধ সামৰিক বাহিনী যৌথ উদ্যোগত  যোৰহাটৰ অলিয়ে গলিয়ে পদ সঞ্চালন  কৰে আৰু যিসকলে নিয়ম ভংগ কৰিছে সেইসকলক  কথোৰতম শাস্তি প্ৰদান কৰে। অকল যোৰহাট নগৰতে নহয় গাওঁ সমূহতো তহল দিছে আৰক্ষী প্ৰশাসনে।চোকা দৃষ্টি ৰাখিব এই দুদিন প্ৰশাসনে।

 

আনহাতে  সকলো গেলামালৰ দোকান,শাক পাচলি আৰু ফল মূলৰ দোকান দুদিনৰ বাবে বন্ধ কৰি দিয়া হৈছে আৰু ফাৰ্মাচীসমূহ খোলা ৰখা হৈছে। আৰু প্ৰাতঃ ভ্ৰমণ, সান্ধ্য ভ্ৰমণ সম্পূৰ্ণ ৰূপে নিষিদ্ধ ঘোষণা কৰা হৈছে। যিসকলে ক'ভিড ইচ্ছাকৃত ভাবে বিয়পায় সেইসকলক আইনীভাবে কঠোৰ ব্যৱস্থা গ্ৰহণ কৰিব। আনহাতে গ্ৰামাঞ্চলতো কন্টেইনমেন জ'ন সমূহ ড্ৰোনৰ দ্বাৰা নিৰীক্ষণ কৰিব বুলি প্ৰশাসনে সংবাদ মাধ্যমৰ আগত  জানিবলৈ দিয়ে। লগতে এই সন্দৰ্ভত অতিৰিক্ত জিলা উপায়ুক্ত দামোদৰ বৰ্মনে ৰাইজলৈ আহ্বান জনায়, যে ৰাইজে প্ৰশাসনক সহায় কৰি ক'ভিড নিয়ন্ত্ৰণ কৰিবলৈ  সহায় কৰক আৰু যোৰহাট জিলা ৰে'ড জ'নৰ পৰা মুক্ত কৰাত সহায় কৰিবলৈ ৰাইজক  আহ্বান জনায়।

 

আনহাতে যোৰহাট জিলাৰ আৰক্ষী অধীক্ষক অংকুৰ জৈনে প্ৰকাশ কৰে যে, প্ৰশাসন অধিক কটকটীয়া হৈ পৰিছে। বিনাকাৰণত ওলাই অহা সকলো গাড়ী চিচ কৰা হৈছে। আনহাতে গ্ৰামাঞ্চলসমূহতো  গধূলি বেছি মানুহ ওলাই আহে সেয়ে গধূলি গ্ৰামাঞ্চলসমূহত প্ৰশাসনে পদ সঞ্চালন কৰিব।লগতে আহ্বান জনাই সমূহ যোৰহাটবাসী ৰাইজক যাতে পুলিচক ভয়  নহয় ক'ভিডক ভয় কৰক আৰু নিয়ম নীতি মানি চলি ক'ভিড সমস্যা দূৰ কৰক।

 

অসমৰ শিৱা ৰাণী কলিতাৰ কানাডাত অনুষ্ঠিত অটাৱা চলচ্চিত্ৰ মহোৎসৱত……

ছাঁতে শুকুৱা মুঠিতে লুকুৱা কাপোৰ সাজ অসমৰ গৌৰৱ বিশ্বৰ বজাৰত ……..

ভিটামিন বি কমপ্লেক্সৰ বিষয়ে জানিবলগীয়া প্ৰয়োজনীয় .....................

ভিটামিন কেপচুলৰ দ্বাৰা ছাল আৰু ছুলিৰ সৌন্দর্য বৃদ্ধি কৰিবলৈ ..............

0 Comments:

Post a Comment